هه‌واڵ وئاگادارى


Subscribe to posts

مامۆستایانی پەیمانگای تەكنیكی كەلار لە چوارەمین كۆنفڕانسی زانكۆی گەرمیاندا بەشداریان كرد

posted Jun 25, 2018, 12:47 PM by media kti   [ updated Jun 25, 2018, 12:49 PM ]

مامۆستایانی پەیمانگای تەكنیكی كەلار لە چوارەمین كۆنفڕانسی زانكۆی گەرمیاندا بەشداریان كرد

كۆنفڕانسی زانكۆی گەرمیان كە ڕۆژی دووشەممە و سێشەممە ڕێكەوتی (٢٤-٦/٢٥ /٢٠١٨)كرایەوە بەڕێز ڕاگری پەیمانگاو پۆلێك لەمامۆستا بەڕێزەكانی پەیمانگا بەشداریان تێداكرد بەجۆرێك 
هەریەكە لە بەڕێزان (دكتۆر ایاد فائق ڕاگری پەیمانگاو دكتۆر یادگار محمود لێپرسراوی هۆبەی زانستی و دكتۆر شێركۆ فلامرز مامۆستا لەبەشی كارەبا و دكتۆر محمد حسن سەرۆكی بەشی شیكاری نەخۆشیەكان )سەرۆكی دانیشتنی بەشێك لەتوێژینەوەكانیان كرد ، لەلایەكی تریشەوە پەیمانگاكەمان بە توێژینەوەیەك بەشداری لەكۆنفڕانسەكە كرد كە لەلایەن بەڕێز دكتۆر شێركۆ فلامرز توێژینەوەیەك پێشكەش كرا جگە لەوەش بەشێكی زۆر لەمامۆستایانی 
پەیمانگاكەمان ئامادەبوون لەكۆتایشدا لەلایەن سەرۆك دانیشتنی توێژینەوەكان خەڵات بەسەر توێژەرەكان دا دابەش كرا

خولی تۆپی پێی سەرجەم بەشەكانی بەیانیان و ئێوارانی پەیمانگای تەكنیكی كەلار كۆتایی هات

posted Apr 26, 2018, 11:56 PM by media kti   [ updated Apr 26, 2018, 11:57 PM ]


****
ڕۆژی چوارشەممە ڕێكەوتی ٢٦/٤/٢٠١٨ بەئامادەبوونی بەڕێزان ڕاگر و یاریدەدەر و سەرۆك بەشی شیكاری وپەرستاری و كارگێڕی خولی تۆپی پێی پەیمانگای تەكنیكی كەلار كۆتایی هات كە ئەو خولە بۆ سەرجەم خوێندكارانی بەشەكانی بەیانیان و ئێواران كرا بۆوە لە مانگی دوو بەڵام بەهۆی پشووی مانگی سێ كەمێ دواكەوت ژمارەی بەشداربووان پێكهاتبوو لە (١٨)تیپ كە هەر قۆناغێك بە تیپێك بەشداری كردبوو لەلایەن يەكەی وەرزشى سەربە هۆبەی ڕاگەیاند و سەرپەرشتی كرا
لەخولەكەدا بەشی پەرستاری قۆناغی یەكەمی بەیانیان توانی پلەی یەكەم بەدەست بێنێت هەرلێرەوەش بە پێویستی دەزانین سوپاسی بێپایانی بەڕێز ڕاگرو یاریدەدەری ڕاگرو سەرجەم سەرۆك بەشەكان بكەین سەرەڕای ئەو تەنگەشەو ئاستەنگەی كەهەیە بەڵام هاوكار بوون لەسەرخستنی ئەو خولە، ساڵانە كە لەپەیمانگاكەمان ئەنجام دەدرێت گرینگیەكی تایبەتی هەیە بۆخوێندكار بۆئارام بونەوەی مێشك لەدوای تەواو بوونی خولەكەش خەڵات دابەش كرا بەسەر براوەی یەكەم و دووەم سەرجەم یاریزان. ونابژێوان. وگۆڵكاری خول
هۆبەی ڕاگەیاندنی پەیمانگا


هەڵمەتێكی پاكردنەوە

posted Apr 16, 2018, 11:19 AM by media kti   [ updated Apr 16, 2018, 11:20 AM ]

ئەمڕۆ دووشەممە بەرواری ١٦/٤/٢٠١٨هۆبەی تەندروستی و سەلامەتی پەیمانگای تەكنیكی كەلار بەسەرپەرشتی بەڕێز ڕاگری و یاریدەدەری ڕاگر و بەئامادەبوونی مامۆستا بەڕێزەكان و خوێندكارە ئازیزەكان بەبۆنەی ڕۆژی ژینگەی كوردستان هەڵمەتێكی پاكردنەوەی بەرفراوانیان لەناوپەیمانگا ئەنجامدا بۆ ڕەخساندی 
ژینگەیەكی پاك و تەندروست 
هۆبەی ڕاگەیاندنی پەیمانگا

انفال تاوانە مەزنەكە

posted Apr 15, 2018, 12:18 PM by media kti   [ updated Apr 15, 2018, 12:20 PM ]

انفال تاوانە مەزنەكە
ئەمڕۆ یەك شەممە ڕێكەوتی ١٥/٤/٢٠١٨بەئامادەبوونی بەڕێزڕاگری پەیمانگاوبەشێك لەمامۆستایان و خوێندكاران یادی كارەساتی ئە نفال لە پەیمانگای تەكنیكی كەلار كرایەوە سەرتای دەست پێكی یادەكەش بەدەقیقەیەك وەستان بۆگیانی شەهیدان دەستی پێكرد ودوا بەدوای ئەوەش كورتە ڤیدۆیەك لەلایەن خوێندكارانی بەشی ژمێریاری و خوێندكار (ڕێباز لتیف)ئامادەكرابوو بۆناساندنی ئەم تاوانە نمایشكرا وەك دەربڕینی هاوخەمی بەرامبەر ئەم تاوانەش بەشێك لە خوێندكاران بەرگی ڕەشیان پۆشی وبڕیاریاندا تاكۆتای ئەم حەفتە وەك وەفایەك بۆ ڕوحی پاكی بێتاوانانی ئەنفال ڕەش پۆش بن 
هۆبەی ڕاگەیاندنی پەیمانگا

Image may contain: 8 people, people sitting and indoor

پەیمانگای تەكنیكی كەلارچەند خوێندكارێكی خەڵاتكرد

posted Apr 15, 2018, 12:16 PM by media kti   [ updated Apr 15, 2018, 12:17 PM ]

پەیمانگای تەكنیكی كەلار
چەند خوێندكارێكی خەڵاتكرد لەبەرامبەر هەوڵ و ماندوبوونیان لەئەنجامدانی چالاكی لە سالیادی زانكۆمان دا بە نمایشی كاردەستی و پێشانگای وێنە بەشداریان كرد بوو
هەروەهابەڕێز ڕاگری پەیمانگای تەكنیكی كەلار دەستخۆشی گەرمی ئاڕاستەی كۆمەڵەی خوێندكارانی كوردستان كردو هەوڵ و ماندوبونیانی بەرز نرخاند كە لەسەرجەم یاد و بۆنەكاندا ڕۆڵی گرینگیان هەبووە و هاوكاربوون. 

هۆبەی ڕاگەیاندنی پەیمانگا

ۆرك شۆپێكی دوو ڕۆژی وخولێكی ڕاهێنان لە پەیمانگای تەكنیكی كەلارئەنجام دەدريت

posted Apr 8, 2018, 1:49 PM by media kti   [ updated Apr 8, 2018, 1:50 PM ]

پەیمانگای تەكنیكی كەلار ۆرك شۆپێكی دوو ڕۆژی بەناونیشانی ئاژەڵی كێوی لە ناوچەی گەرمیان ، ئاسك وەك نموونە وخولێكی ڕاهێنان بەناونیشانی ( Species Distribuution Modelling and Conservation) ئەنجام دەدات ڕۆژی سێ شەممە و چواشەممە ڕێكەوتی ( ١٠-١١ /٤/٢٠١٨)كاتژمێر ١٠ی سەرلەبەیانی لەهۆڵی سمیناری پەیمانگا كەلەلایەن ئەم بەڕێزانە پێشكەش دەكرێت
١-بەڕێز دكتۆر محمد ابراهیم خلیل
٢-بەڕێز دكتۆر عماد داود عباس
٣- ڕێكخەربەڕێز دكتۆر یادگار علی محمود

بەرزو پیرۆز بێت ساڵیادی دامەزراندنی زانكۆی پۆلیتەكنیكی سلێمانی

posted Apr 4, 2018, 12:04 PM by media kti   [ updated Apr 4, 2018, 12:05 PM ]

بەرزو پیرۆز بێت ساڵیادی دامەزراندنی زانكۆی پۆلیتەكنیكی سلێمانی 
پەیمانگای تەكنیكی كەلاری سەربەو زانكۆیە بەناوی بەڕێز ڕاگر و یاریدەدەری ڕاگر پیرۆزبایەكی گەرم ئاڕاستەی مامۆستایان و فەرمانبەران و خوێندكارانمان دەكەین هەربۆ ئەم بۆنە ئەمڕۆ چواشەممە ڕێكەوتی ٤/٤/٢٠١٨ كۆمەڵێك چالاكی جۆراو جۆر بەڕێوە چوو لەوانە پێشانگای وێنە نمایشكردنی كاردەستی گرووپی كچانی مەستورە لەگەڵ ئاهەنگی خۆشی وشادی و وێنەگرتنی دەرچوون. ئەنجامدرا هەروەها لەم ڕۆژەدا خوێندكاران بەجلی كوردی خۆشحاڵیەكانیان دەرببڕی و ڕۆژێكی خۆشیان بەڕێكرد لێرەوە بە پێوستی دەزانین سوپاس پێزان و ڕێز لەماندوبونی ستافی پەیمانگاكەمان بگرین كە سەرەڕای بونی ئەم هەموو قەیران و كەموو كوڕیە دڵسۆزانە توانیویانە پرۆسەی خوێند بەسەركەوتی بەڕێ بكەن لێرەوە دەست خۆشی ئاڕاستەی هەمووان دەكەین لەبەرامبەر دڵسۆزیان بەرامبەر زانست و فێر كردن. 

چالاكی هونەری

posted Feb 26, 2018, 8:29 AM by media kti

چالاكی هونەری

 ئەمڕۆ  دووشەممە  ڕێكەوتی ٢٦/٢  بەئامادەبوونی بەڕێزان ڕاگرو یاریدەدەری ڕاگر وبەشێك لە مامۆستا و خوێندكاران كاتژمێر ١٠ی سەرلەبەیانی  بۆ زیاتر ناساندنی ناوچەگەشتیاریەكانی گەرمیان و ئاشنا بوونی خوێندكاران بەو ناوچانە  پێشانگایەكی وێنە  كرایەوە لەلایەن بەڕێوەبەرایەتی گەشت وگوزاری  گەرمیان  بەهاوكاری هۆبەی ڕاگەیاندن  كە لەپێشانگاكەدا زۆربەی ناوچە گەشتیاریەكان و   شوێنەوەرا مێژوییەكانی   گەرمیان   نمایشكراو  ئاشنا كرا  بە ئامادەبووان 

هۆبەی ڕاگەیانن

خوێندكارانى ئه‌م چوار به‌شه‌ ڕۆژى يه‌ك شه‌ممه‌ ده‌وامى خوێندنيان ده‌ست پێده‌كات

posted Nov 10, 2017, 4:17 AM by media kti   [ updated Nov 10, 2017, 4:18 AM ]


ئاگادار
 ئاگادارى خوێندكارانى قۆناغى يه‌كه‌مى به‌يانيانى به‌شى (كارگێڕى كار به‌يانيان +ژمێريارى به‌يانيان + ڕووپێووى +كاره‌با ) ده‌كه‌ين ڕۆژى يه‌ك شه‌ممه‌ به‌روارى 12/11/2017 يه‌كه‌م ڕۆژى ده‌ست پێكرنى دوامى ساڵى خوێندنى (2017-2018)يه‌
وه‌ به‌شه‌كانى ترى (شيكارى نه‌خۆشيه‌كان و به‌شى په‌رستارى)  خوێندكارانيان ئاگادار ده‌كه‌ين له‌هه‌فته‌ى داهاتو ئه‌وانه‌ى كه‌تاكو ئێستا ناويان تۆمار نه‌كردوه‌  رۆژى يه‌كشه‌ممه‌ ناويان تۆماربكه‌ن  بۆ ئه‌وه‌ى له‌نزكترين كات دا ده‌وامى خوێندنى ئه‌و به‌شانه‌ش ده‌ست پێ بكات . سه‌باره‌ت به‌و خوێندكارانه‌ى كه‌وا فۆڕمى ئێوارانيان پڕكردۆته‌وه‌  له‌داهاتوه‌كى نزيك دا ئه‌نجامه‌كانيان ڕاده‌گه‌يه‌نرێت .له‌م  ماڵپه‌ڕه‌وه‌ .
هۆبه‌ى ڕاگه‌ياندن .
AD.hemntahir
10/11/2017

تۆماركردنى ناوى وه‌رگيراوانى زانكۆ لاين ده‌ست پێده‌كات

posted Nov 4, 2017, 12:30 AM by media kti   [ updated Nov 4, 2017, 12:32 AM ]

ئاگادارى 
ئه‌وخوێندكارانه‌ى ناويان به‌سيسته‌مى زانكۆلاين ده‌رچووه‌ له‌ په‌يمانگاكه‌مان  له‌ڕۆژى يه‌ك شه‌مه‌ به‌روارى 5/11/2017 و ڕۆژانى دواتر تۆماركردنى ناويان ده‌ست پێده‌كات  ئاگادارتان ده‌كه‌ينه‌وه‌ له‌وبه‌رواره‌وه‌  سه‌ردانى په‌يمانگا بكه‌ن بۆته‌واو كردنى مامه‌ڵه‌ى  تۆماركردنى ناوتان سه‌رجه‌م ئه‌وپێداويستيانه‌ش له‌گه‌ڵ خوتان دا بهێن كه‌ئاماژه‌ پێكراوه‌.

1-10 of 35